PostHeaderIcon يا فضيحه ب جلاجل .. مقال

2:37 م | كتبها The Confused | تعديل الرسالة

بعد التحيه ..

احب اقولكم ان نزلي مقال مؤخرا ف مجلة ابراج الالكترونيه .. وهو تقريبا اول مقال اكتبه من ايام حصص الانشا ف اولى ثانوي!! .. طبعا وزي ما هتشوفو هو بقاله فتره وبيكلم عن مبدا معين .. بس بعد الاحداث الاخيره دي الواحد ما بقاش عارف هل منتظر كان معاه حق ف اللي عمله ولا لا .. عموما اسيبكم مع المقال وانتو قرروا .. وده اللينك بتاعه ف المجله اضغط هنا
المقال :
بجد الموضوع بقا مستفز بطريقه غريبة جدا .. مش عارف إيه سبب موقف العرب وإعجابهم باللي حصل ده !!يعني ايه واحد يقلع جزمته ويحدف بيها شخص مهم على العلن كده >> مش حبا ف بوش ولا بدافع عنه لانه ف نظري ارخص من الجزمه اللي اتحدف بيها << بس طريقة تعبير همجيه جدا ف التعبير وتدل فعلا على تخلف العرب وانعدام لغة الحوار ف المجتمع العربي .بالعكس دي بتدل وبتاكد كمان ان العرب مستواهم بيرجع ل ورا وبيتاخر اكتر واكتر مش بيتقدم ابدا !!
واللي اكتر من كده كمان ان مواطن عربي >> فيه الخير والله << عرض انو يشتري جزمة الفدائي اللي ضحى ب نفسه و ب عيلته كمان علشان لحظة غضب او نرفزه ب 10 ملايين دولار !! يعني بدل ما ال 10 ملايين دولن يتصرفوا على اشخاص مش لاقيين اللقمه ومش عارفه تعشي عيالها حتى تندفع في حتة جلد ما تسواش حاجه ف نظري و ف نظر الكثير .. يعني مش ناقص غير ان الجزمه دي يتعملها مقام كمان او مزار !! ده بقا غير ان الصحفي الهمام ضيع نفسه وضيع مستقبله على واحد ما يسواش اصلا .. واظن ان المستقبل الوحيد والمتوقع للصحفي ده هو رحله مجانيه حول اهم سجون العالم علشان يعرفهم كويس لو حب ينصح حد عايز يصيف ومش عارف يروح فين !! وانو ما عدش هيشوف النور تاني الا وهو بيتنقل من بلد ل بلد او ب الاصح من سجن ل سجن !!مش عايز اقول فين اداب الحوار وفين حرية التعبير في الراي اللي بالعقل علشان ما عدوش موجودين اصلا !! يعني هو اللي العرب قدروا او قادرين ان هما يعملوه ان هما يعملو العاب علشان الموضوع ده ويتنافسوا مين اللي يدفع اكتر علشان يشتري المعلم الأثري ده !! بدل ما يتفقوا انهم ياخدوا موقف بعد النكسه الرهيبه اللي بقت الامه فيها !!انا مش ضد منتظر الزيدي ولا ضد موقفه ووطنيته .. بس دي مش طريقه للتعبير عن الراي .. دي طريقه للتعبير عن الفضيحه اللي بقينا فيها !!بيتهيالي لو احنا ك عرب عايزين نرتقي ب مستوانا اكتر من كده لازم نبص للبنيه التحتيه لاي مجتمع او أي امه علشان نقدر نعمل كدهيعني نطور من اخلاقيتنا وندور ع الاحسن والافضل فيها ونتمسك بيه نشوف طبعا المجالات الثقافيه والاجتماعيه والحجات المتعارف عليها دي كلها ..بس من وجهة نظري ان طريقة الحوار والتعبير عن الراي مهمه جدا ان احنا نهتم بيها ونطورها اكتر من كده علشان نقدر ننافس المجتمعات التانيه او اننا نحاول نوصل حتى لمستواها ..لازم طريقة التفكير تتغير ونبص للامور ب منظور تاني مش بس اننا نحاول نعبر باي طريقه ممكنه وخلاص حتى لو كانت طريقه همجيه زي دي ..قال الباحث الكندي باتريس برودور (Patrice Brodeur) إن هناك حدودا لحرية التعبير مثلما هناك حدود في أي مجال من مجالات الحياة. وشدد برودور على ضرورة وضع قيمة احترام الآخر "فوق" قيمة الحرية والرأي... كما دعا إلى أهمية استحضار التعدد الذي تعرفه الحضارتين الإسلامية والغربية في مسلسل الحوار بين الإسلام والغرب، كما أشار إلى محورية القيم والاحترام المتبادل في إنجاح هذا الحوار.يعني فيه حدود للتعبير عن الرأي مش باي طريقه عشوائيه كده والسلام !! مش معنى ان فيه حرية للتعبير عن الراي ان يبقى فيه عدم احترام للآخر حتى لو كان عمل امور وحجات مستفزه وكان انسان وضيع وغير انساني من اصله !! وبمعنى تاني مش معنى ان فيه حريه للتعبير عن الراي ان ده بيلغي ان فيه حدود ليها .حرية التعبير عن الراي ليها حدود زي أي مجال تاني ف الحياه وزي أي قيم تانيه ف الحياه ..مش حرية التعبير عن الراي برضو المفروض تكون شفويه او كتابيه مش عمليه !! ولا دي اضافه فاشله جديده من اختراع العرب ؟؟الاكتر استفزاز موقف المدعو بوش وابتسامته بعد اللي حصل ده وانه ما حسش ب الاهانه !!هل هيا دي الديموقراطيه من وجهة نظره !! وهل هو كده حققها ومبسوط بيها !! ولا هو زي النكته اللي بتقول ان فيه راجل سمع نكته وما دحكش عليها الا يوم الخميس على ما فهم المعنى !! هل يا ترى الابتسامه دي غباء من بوش لانه ما وصلهوش المعنى من ورا اهانة الزيدي ليه ولسه رد فعله مؤجل لحد اما يفهم وده مش مستبعد بعد كل اللي عمله السنين اللي فاتت !!هل اللي عمله الصحفي الشجاع ده رجع للعرب كرامتهم ؟؟ وهل ده يعتبر رد على اللي عملته امريكا او عمله بوش بالاصح وللدقه ف العرب عامة وفي العراق خاصة ؟!! وهل ده رد جميل للي حصل لصورة صدام ف بداية استعمار العراق !!وهل ده يعرفنا ان بقا فيه استخدام جديد للجزم غيرالاستخدامات المعروفه ليها زي اللعب وزي برضو التمشيه ف شوارع مصر مع الجيرل فريند وف الفسح والخروجات !!انا رايي ف الموضوع ده كلو ان المفروض نرتقي اكتر من كده في طريقة التعبير عن الراي ونحاول نفهم ازاي نعبر عن رايننا وايه حقوق كل طرف قبل ما نحاول نعبر عن راينا ..ده طبعا لو عايزين نرتقي ونعلى بمستوى امه كان لها كيان واعتبار ونرجع الماضي تاني !!لازم نبدا بالاساسيات والامور البسيطه علشان هيا دي الاسس اللي بيعتمد عليها أي مجتمعطبعا اكيد فيه ناس كتير هتختلف معايا ف الراي وان المفروض بدل ما نعد ندور على حجات ما منهاش لازمه ومش هنوصلها نفرح باللي احنا قادرين نعمله دلواقتي !! بس طبعا ده راي غلط جدا والمفروض أي حد عنده القناعه بكده انو يحاول يفكر تاني ومن نواحي تانيه وبايجابيه اكتر و ف الاخر (( الاختلاف في الراي لا يفسد للود قضيه ))


0 عجبهم كلامي:

إرسال تعليق

الاشتراك في: تعليقات الرسالة (Atom)

عزبتي ع الفيس بوك

Abdallah Alabbasy

Create Your Badge

مين أنا ؟؟

صورتي
ب اختصار .. شاب مع وقف التنفيذ !!

مدونات بتابعها

ملامح زواري

شرفني لحد دلواقتي

تابعني ع الفيس بوك

This Blogger Template created By Sara Darwish © All rights reserved.