PostHeaderIcon عجبي


عجبي على مجتمع ما عدش فيه قيم

والاحساس ب الغير فيه انعدم

عجبي على غابه عايشين فيها

ومجبرين نتحملها ببلاويها

بني ادمين بقت امرّ من الوحوش

وضميرها بقا خلاص مغشوش

عجبي على حكاوي بقت تتسمع

وقليل اما نلاقي تمن يندفع

شويه ضرب وشويه تحرش

ومره سرقه ومره اختلاس

مجتمعنا بيشتكي يا هوه

بس فين اللي يسمعوه

مجتمع بقا فيه من كل لون

واي شيئ فيه ممكن يهون

فيه اللي يبص ل نفسه ويقول

مصلحتي وبس .. وممكن من غير ما يقول

حتى لو كان اللي بيناديه اخوه

يقول اكيد ليه اللي ينجدوه

وفيه ناس تقول واحنا مالنا

خليك جمب الحيط وخلاص

ما يعرفوش ان الحيط اشتكى

وقال كفايه جبن وبكا

كلام كتير وبيدور ف بالي

بس ارجع واقول طب وانا مالي !!!

PostHeaderIcon طفل بريء


حكايه وحصلت واتسكت عليها


ومش لازم ب المره نعديها


ولابد نعرف معانيها


طفل صغير وبريء


ومالوش ذنب ف اللي حصله


غير انه كان بيبني مستقبل ليه


طفل لا له ولا عليه


يموت ب الطريقه دي ليه ؟!


مش المفروض دي دار تربيه وتعليم !!


والكبير قبل الصغير بكده عارفين


سكتنا المرادي وده يرضي مين ؟؟


ورجعت تتكرر ف اطفال تانين


حكومه ساكته وناس نايمين


واطفال ف النص تايهين


مش عارفين يشتكوا ل مين ولا فين !!


وزي ما اتعودنا وخدنا عليه


الوزير الفلاني قرر يمنع الضرب وينفيه


وسؤالي بعد كل ده يا بيه


يا ترى ده ينفع وكفايه ولا ايه ؟!!

PostHeaderIcon ليه ؟!



ليه كل الحيره والاسئله اللي ف بالي


ليه رغم اني عارف اني منها ب قاسي


ليه لما حاولت اني ابقى ف حالي


لقيت كلو بيستغرب ويقلي مالي


ليه لما حاولت اكتب نهايه ل حيرتي


طلعت انا الغلطان وزاد همي وقلقي


ليه مش من حقي افرح ولو يوم من نفسي


ليه مش قادر اصرخ واقول


عن اللي محيرني وتاعبني


مش ممكن ده يقلل شويه من همي !!


ليه ؟؟

PostHeaderIcon شخابيط




هو غلط ان الواحد يحب



ولا دي خدمه مش متوفره لاي حد



هو لازم علشان نحب نخبط وناخد ازن



او نقدم طلب ونستنى المسؤول علينا يحن



دي احاسيس ومشاعير جوا اي حد



ولازم هـ يجي عليها اليوم وتحاول ل بره تفط



ليه بقا نمنعها ونعمل عليها بلوك



بدل ما نظبطها ونعملها كنترول



مش ممكن يجي يوم ونلاقيها علينا من الشباك بتنط



ووقتها مش يبقى ف ادينا الريموت كنترول



ونلاقي نفسنا بنعمل زي الكل



مستنين المسؤول علينا يحن !!!

PostHeaderIcon احساس وجاي من العدم


تعبت وزهقت من اللي انا فيه


علشان ايه ويستاهل ولا ايه ؟


حجات كتير بتدور وتلف ف راسي


ومخلياني زي المركب اللي مش راسي


مش عارف هيا صح ولا غلط


واللي بيتقال ليا ولا عليا


وقت وبيضيع من كتر التفكير


وقت وبيضيع ع الفاضي


يمكن ده امر عادي


بتحصل وتتكرر كتير


يمكن برضو ده عادي


حجات فيا بدات تموت


والايام بتعدي وتفوت


و يمكن برضو ده عادي


وارجع من تاني واقول


ده كله علشان ايه ولا ليه ؟


لازم كل واحد يعرف اللي له واللي عليه


دنيا فانيه ومش ليها اي تمن


ويمكن ده احساس وجاي من العدم !!

PostHeaderIcon حاولت .. لقيتها غوامق


حاولت اعمل زي الناس واعيش


لقيت اللي بعمله فايده منه ما فيش


حاولت ابص للدنيا بعين فرحانه


لقيت الايام مني بتجري وتفوت


لقيت حياتي بتتحول لذكرى


مليانه كلها احزان وجراح


حاولت ادور فيها والونها


بالوان تفرح العين والقلب


لقيتني غصب عني مش ب مزاجي


بستخدم الوان كلها غوامق


حبيتها وما كنش ب ارداتي


ولقيتني بستخدمها حتى ف وقت فرحي


مود واتعودت عليه ف حياتي


والظاهر اني بقيت بحب الغوامق !!

PostHeaderIcon اولويات


اولويات قدام عيني وحاولت اوصلها


بس بلاقيني شويه شويه ببعد عنها


مش ضعف ولا عجز مني .. لا


ولا حتى علشان كبرها


من حقي اني احلم واحاول


بكل الطرق اني اوصلها


هتالم وهتعلم اي نعم


بس بكره هيبقى فيه امل


ناس حوليا بتبصلي وتقول


كلام انا بحسه مش معقول


كلام لو سمعناه ومشينا عليه


يبقى عمرنا ابدا ما هنكبر


وهنفضل عايشين على حلم صغير

PostHeaderIcon لو بايدي !!



لو بايدي كنت غيرت حالي


يمكن اعرف انا مالي


و اعرف اوصل للي ف بالي


و اقرب منك من تاني


و ابطل سماع اغاني


و ابص للعالم بمنظور تاني


واقرب ل ربي اكتر من تاني


والدنيا تحلى ف عيني والبال يبقى خالي


لو بايدي كنت غيرت حالي !!

PostHeaderIcon الم صامت



الم صامت عندما تعشق ولا يحس بك من تحب


الم صامت عندما تحب شخص ولا يبادلك نفس الحب


الم صامت عندما تريد ان تكون قريبا من شخص وتجده بعيدا عنك كل البعد


الم صامت عندما تعطي قلبك وحياتك لمن تحب ولا تجد منه الا الهجر


الم صامت عندما تصرح بحبك لشخص ولا تجد منه رد


الم صامت عندما تتالم ولا تجد حولك احد


الم صامت عندما تحاول ان تصرخ وتجد نفسك في عالم من الفراغ


الم صامت عندما تريد ان تتكلم وتجد صدى صوتك هو الرد


الم صامت عندما تعيش في دنيا يكون الرد فيها هو الصمت

PostHeaderIcon على ايه ولا ليه من غير سبب !!


ياه على ده زمن قاسي وغدار

فيه اقرب النفوس من بعضها تغار

ياه على الناس اللي بقت مليانه حقد وغل

من القريب والغريب و بقلة اصل

عايشين ف زمن لا ينفع فيه طيبه ولا حنيه

ولا حتى ينفع تتعامل فيه ب سلامة نيه

على ايه ولا ليه ... من غير سبب

ناس ف وشك تلاقيها تضحك وتبتسم

ومن ورا ظهرك تلاقيها ف لحمك ب تلتهم

وعلى ايه ولا ليه ... من غير سبب

ولو حاولت تنصحهم ب طيبة قلب

تبقى انت الوحش وعليك الغلط

فين ايام زمان ؟؟

ايام الحب اللي بجد

ولا دي بقت حكاوي مجرد تتسمع

على ايه ولا ليه من غير سبب

بجد زمن قاسي وجارح

وياريته يرجع زي امبارح !!!

PostHeaderIcon م حدش بيرحم حد !!


الناس ماشيه تخبط ف بعضيها
مش عارفه ان مالهاش فيها
ده يجرح ف ده
وده يجيب ف سيرة ده
و م حدش بيرحم حد
عالم غريب وبجد
ما عدش فيه حاجه تتحب
الا شوية حجات ع القد
قلة الاصل بقت موجوده وب كتير
والناس فاتحالها فيها دفاتر توفير
ويا ريتها جت على قد كده وبس
لا !!
بقت تتكلم ف اللي ليها فيه
واللي مالهاش فيه
والعكس !!
مش تخليها ف اللي ليها
برضو لا !!
لازم تأذي اللي حوليها
حياه غريبه وب تيجي علينا
ومهما روحنا ومهما جينا
احنا ليها وهيا لينا !!!

PostHeaderIcon والنبي ناولوني الولاعه ... عايز اولع ف الدنيا بحالها !!!



عرفت ان الدنيا خداعه
ولازم نولع فيها ب ولاعه
علشان تتظبط وتمشي زي الساعه
دنيا مليانه خلق مش سايبه حد ف حاله
واللي يسمعلها هـ يمشي يبص على خياله
عيشها وقضيها ولو حد كلمك قله وماله
وحاول تفهمه وتعرف اللي ف باله
ولو ما فهمكش تبقا دي مشكلته ويخليه احسن ف حاله
بدل ما هو شاغل ناس كتيره ب افكاره
عيشها وقضيها بس ف المعقول
واوعى عن حدود الادب تخرج ولا عن الاصول
وكل اللي عايز اوصله اني اقول
عيش حياتك ب العرض او ب الطول !!!

عزبتي ع الفيس بوك

مين أنا ؟؟

صورتي
ب اختصار .. شاب مع وقف التنفيذ !!

مدونات بتابعها

ملامح زواري

شرفني لحد دلواقتي

تابعني ع الفيس بوك