كلمات متقاطعه: سكوت !!

سكوت !!

4:37 ص |

كتبها The Confused |

ملعون صوت السكوت
وكمان الساكت ملعون
لو كان بسبب السكوت
مصالح وناس تموت
><><><><><

معدتش شايف غير ناس

حياتها كلها سكوت

يقلك يا عم خلينا عايشين

ف هدوء وراحة بال وسكون

><><><><><

لحد امتى هنفضل عايشين زي النعام

راسه ف الارض مدفون

شايفين .. وقاعدين ساكتين

ايه اللي بيحصل ومش مهتمين

><><><><><

بلد ب تتباع و كرامه بتضيع

وكلو عايش دور الحمل الوديع

ياكل ويسمع الكلام ويطيع

من غير ما يحس ان حقه بيضيع

><><><><><

بيصعب عليا وبتحسر على ده وضع

بس لو حد اتكلم هيبقى هو ال غلط

ومش بعيد يقولو زعيم ثوره ولا حتى عميل

وبعد ما يقتلوه ..

يقولو كان عضو ف جماعه وخلاص أُغتيل

><><><><><

دي نهاية اي حد

يحاول ب الحق ينطق

وينكر السكوت ب انواعه ك مبدأ

و هـ اكررها تاني برضو واقول

ملعون صوت السكوت

وبرضو مهما كان .. هيفضل الساكت ملعون

غير معرف يقول...: كلمات اكثر من جميله; 31 ديسمبر 2008 في 10:39 م
The Confused يقول...: غير معرف

اشكر لك ردك الجميل :); 1 يناير 2009 في 12:53 ص