كلمات متقاطعه: فين ايام زمان !!

فين ايام زمان !!

1:35 ص |

كتبها The Confused |

تعديل الرسالة

مواقف حصلتلي ف الكام يوم اللي فاتو رغم انهم المفروض ايام عيد وفرحه

بس طبعا فرحة مين والناس نايمين

عموما اتمنى انها تعجبكم

كفايه نفاق وخداع

بجد كده حرام

ناس اتخدعت فيها

ومصالحها هيا كل ما ليها

ناس تكلم معاك احلى كلام

وبعد ما تفترقوا اسمع اللي بيتقال !!

كلام تسمعه كانه مية نار

تحرق وتشوه كل الحبال

حبال القرابه و الصداقه و اجمد من كده حبال

><><><><><><

فلوس تغير النفوس

وتخليها على أي حد تدوس

مش عارف هو العيب ف مين

بقيت حاسس انهم مش بني ادمين

وانهم لكل حاجه حلوه خاينين

وما عدش يهمهم انت ايه ولا مين

المهم انهم يوقعوا بين كل الطيبين

><><><><><><><

ناس ما تستاهلش دمعة عين

ولا انك تبقى عليهم حزين

لانهم هما اللي غلطانين

ولان بان انهم منافقين

ناس فعلا مخادعين

عايشين بمسمى الطيبين

><><><><><><><

حياه بقت كلها فساد

ومعدش فيها امان

وعلى وش البشر بقا بيبان

معدش يغرك لا منظر ولا حلاوة لسان

كل حاجه دلواقتي بقت زي المانيكان

والظاهر ان كل الحاجات الحلوه بقت ف خبر كان

ويا بخت اللي عاش ايام زمان !!!

0 عجبهم كلامي:

إرسال تعليق