كلمات متقاطعه: هو فيه ايه ؟!!

هو فيه ايه ؟!!

5:15 ص |

كتبها The Confused |

احب اعبر عن مدى انزعاجي من حادثة الحافله ف مدينة المنيا واللي مات فيها 55 شخص وان الحادثه دي وغيرها من الحوادث المروريه اللي بقت حكايات ماساويه اتعودنا على سماعها هيا السبب ف اني اكتب الكلام ده وبرضو فيه اخبار تانيه سمعتها ف عدة برامج مختلفه كانت السبب !!

واكبر موضوع استفزني حالة الشعب المصري والتقسيمه اللي بقت معروفه ومتداول عليها !!

مش عارف اكتب ايه ولا ايه
ولا اتكلم عن ايه واقول ايه
حجات كتير تشوفها تقول ليه
و برضو يمكن تسمعها وتقول يعني ايه ؟؟
ناس فقرا تموت وتروح ببلاش
وناس تانيه عايشه وبتاكل جلاش
><><><><><><><><><

قضايا كتير عايزه كلام

ومش عارفين مين اللي يتلام

ويا ترى هتفضل

ولا تموت مع الايام

وتبقى مجرد حكاوي واحلام !!

><><><><><><><><><

امتى بقا ينصلح الحال ؟

والواحد يعيش وهو مرتاح البال !!

وحاسس انو ف امن وامان

ونايم لا عطشان ولا جعان

ولا يحس انو ف يوم غلبان

عايش ف وسط غيلان

حاكمين البلد ومعروفين

ولو سالت عليهم اين كان

يقلك ما فيش ف البلد دي انسان

ما يعرفش فلان وفلان

><><><><><><><><><

البلد بقت مقسومه اتنين

يا ناس فوق يا ناس تحت

ما عدش فيه حاجه ف النص

ناس مهمه ومعروفين

واكلينها دايما وشبعانين

والغلابه عندهم خدامين !!

ما يقفلهاش ابدا أي مصالح

علشان الوسايط والمحسوبيات

وناس تانيه غلابه

يادوب عايشه يومها

وطالبه الستر و الرضى

وعايزه قوت يومها وبس

وعلى أي شيء ب تحمد الرب

ودايما ربنا هو واسطتها عند أي حد

><><><><><><><><><

يا تبقى حرامي وتعيش
تاكل كايزر وعيش نضيف
وغير الحرام يبقا مافيش

سكه ولا حتى طريق

وامانه وصدق ما تلاقيش

يا اما تعيش انسان شريف

عندك زمه وضمير

مغلوب على امرك وضعيف الحيله

ما لكش ظهر ولا واسطه

وبيتهيالي اكتر من كده مصيبه

ف البلد دي ... ما فيش !!!

2 عجبهم كلامي:

غير معرف يقول...: هايله ماشاء الله; 17 ديسمبر 2008 في 10:25 م
The Confused يقول...: شكرا ليك يا غير معرف
سرني مرورك; 1 يناير 2009 في 12:52 م

إرسال تعليق