كلمات متقاطعه

المرادي البوست هيبقى مختلف شويه عن البوستات اللي فاتت كلها

اولا ... وقبل كل حاجه

احب اقول الف الف الف مبروك للمدونه والاخت والصديقه وحماتي :d ساره درويش صاحبة مدونة بنوته لاسعه و صديقي وحبيب قلبي شريف شقاريه على حفل توقيع (( زوجي ما زال حبيبي – ساره درويش )) و (( موس حلاقه – شريف شقاريه )) واللي هيكون يوم الاربعاء ان شاء الله ف كافيه روستيك ف شارع الفاتح في طنطا بجوار سوق الجمله... وده لينك الايفنت اهو

http://www.facebook.com/event.php?eid=119934918036223

وعوقبال ما تخاوووهم يا رب :d

ثانيا بقا ...

طبعا المسابقه بتاع سلسلة حلو الكلام واللي هتبقى بين ايديكم ع الصيف ان شاء الله خلصت والاعمال تم اختيارها ب الفعل ... والاعمال اللي هتشارك معانا مبدايا عناوينها ك التالي :

محمد هشام – سارتى ، مجرد حنين

وجدان احمد – كعادته اليومية (الجورنال)

رحاب صالح – انتظار ، حالة غضب

غادة محسن – أحبتك بالأمس وكرهتك اليوم

حازم الشريف – قصاقيص

وان شاء الله عن قريب اللوجو وغلاف العدد ده من السلسله هيبقو موجودين باذن الله

ثالثا بقا ...

انا بقالي فتره طويله ما نزلتش بوستات خالص ع المدونه وده كان بسبب تركيزي ف شغل السلسله والكليه والشغل كانو واخدين وقتي ب غباء الفتره اللي فاتت دي بصراحه

وده بوست جديد يا رب يعجبكو وهستنى رايكم اكيد :)

(( عودي ))

احيانا ... اقترب منها ... الوثها بما تكتمه نفسي ... القي عليها كثير من الاحمال لعلها تحمل ما لا اطيق على حمله في بعض الاوقات

واحيانا اخرى ... انفر منها ... اعذبها ببعدي عنها ... فانا اعلم انها تشتاق لي كما اشتاق لها دوما !!

واحيانا ... اتحسس منها ... اجرحها بتصرفاتي ... فلا انا الذي يشكو ما تعتل به نفسه لها ... ولا انا الذي ابتعد عنها فتزداد من امرها حيره !!

كل ما اعرفه ... اني اصبحت اعشقها حد الموت !!

الان ... انا افتقدها

امد يدي لالتقط القلم واقربها مني لأخط ... عودي !!